كتاب زهرة السوسن

مَبْتِوْحَشْنِيش مَبْتِوْحَشْنِيش ولَا حَتَّى بَفَكَّر فِيك ولَا صُورْتَك جوَّا خيَالِي ولَا قَلْبِي بيحِن إلِيك ولَا طُول الْوَقت بَحْكِي عَلِيك وأتَخَايلَك بِينِي وبِين نَفْسِي نَضْحَك ونَلْعِب ونزْعَل ونرْجَع نتصَالِح مِن تَانِي... مَبْتِوْحَشْنِيش... ونسِيت كُل مَلامْحَك وجَمَال ضحْكِة عينَك ورقِّة صُوتك فِي حَدِيثَك وكسُوف قَلْبَك ويَقْلِب خَدَّك ورْدِي وتتدَارَى بعِيد ع الْعِين.. وطِيبِة قَلْبَك مَبْتِوجَعْنِيش ونسِيت الْكُل ومَبْتِوْحَشْنِيش... ولَا حتَّى بيْزُورْنِي خَيَالَك وقَت مَنَامِي ولَا طِيفَك يحضُن طِيفِي ونرْجَع نتْقَابِل مِن تَانِي... مَبْتِوْحَشْنِيش.. وكُل الأمَاكِن بِيك.. مَبِتْفَكَّرنِيش هنَا قَاعِد.. هنَا بتَاكُل.. وهنَا مسْتَنَّينِي بلهْفَة وكُلَّك شُوق وحَنِين... مَبْتِوْحَشْنِيش... وأنَا قُدَّامك أهُوه بَتْنَفِّس وعَايشَة ونسِيتَك ونسِيت إنَّك كُنت فِي يوم منِّي وسبْتنِي ومشِيت... وبَضْحَك ومكَمِّل ودمُوع عينِي دِي فَرْحِة قَلْبِي... وبَدْعِيلَك بالرَّحمَة وبَدْعِي لنَفْسِي يَصَبَّرنِي... مبتوحشنيش
مروة سلامة -  مروة سليمان سلامة هي كاتبة وشاعرة مصرية مشهورة. إلى جانب كتابة الخواطر والأشعار باللغة الفصحى والعامية الإلكترونية، تعمل أيضًا كمصممة جرافيك وفنانة ديكوباج. ❰ لها مجموعة من الإنجازات والمؤلفات أبرزها ❞ زهرة السوسن ❝ ❞ أيام زمان ❝ الناشرين : ❞ كتابك للنشر والتوزيع - مصر ❝ ❞ دار حكايات كُتاب للطباعة والنشر والتوزيع والترجمة ❝ ❱
من الشعر العربي الحديث - مكتبة المكتبة التجريبية.